Snilld

Mannsi sigraði í glæsilegum og fjörugum leik á móti spræku liði Nings 5-3. Þór opnaði markareikning sinn og skoraði gott mark snemma leiks. Davíð sýndi síðan gríðarmikið öryggi og skoraði úr tveimur vítum í röð (taldi þó aðeins sem eitt mark) og staðan tvö núll og hálfleikur. Mannsi ákvað að koma í seinni hálfleikinn af krafti og það tókst vel því Kjarri skoraði glæsilegt mark í byrjun hans og nánast tryggði sigurinn. Þá skorauðu Ningsarar mark og Mannsi varð brjálaður og bætti tveimur mörkum við. Þar voru að verki tveir framherjar sem höfðu verið líkt við Jan Koller og Milan Baros fyrir leikinn og stóðu undir þeim væntingum. Staðan semsagt 5-1 og Mannsi með unnin leik í höndunum. Mannsi fór þá að slaka nokkuð á og það nýttu Ningsarar sér og skoruðu tvö verðskulduð mörk. En Mannsi stóð uppi sem sigurvegari!
Allir Mannsar voru góðir í þessum leik, Þór og Kjarri voru góðir frammi og ekki má gleyma Bimbanum sem sólaði 8 menn Nings innan og stóð allan tímann á sama fermetranum. Arnar sýndi einnig gríðarmikið öryggi í bakverðinum. Eina sem ég hefði viljað sjá í viðbót var önnur snúningsvippa í skeytin frá Ármanni til að sýna að þetta hafi ekki verið lukka í síðasta leik.
Ég ætla líka að vekja athygli á æfingaleiknum á morgun þriðjudag klukkan 19:00. Hann er í klukkutíma og það er mikilvægt að allir mæti og eru tilbúnir að hefja leik klukkan 19:00 til að nýta tímann sem best. Og þar sem þeir eru í nánst eins búningum og við þá væri fínt ef allir gætu mætt í hvítum treyjum.
LIFI MANNSI!!